Chwiliwch ein Rhestr Rhybuddion i ddod o hyd i fanylion cwmnïau ac unigolion anawdurdodedig yr ydym yn ymwybodol ohonynt nad oes caniatâd ganddynt i weithredu yn y DU.
Rhaid i bron pob cwmni ariannol yn y DU gael ei awdurdodi neu ei gofrestru gennym ni.
Yn anffodus, mae yna gwmnïau yn parhau i weithredu heb ein hawdurdodiad.
Gallwch ddefnyddio'r Gwiriwr Cwmnïau FCA i ddarganfod os yw cwmni wedi'i awdurdodi a gyda chaniatâd ar gyfer y gwasanaeth y mae'n ei gynnig i chi.
Os na allwch ddod o hyd i gwmni ar y Gwiriwr Cwmnïau, cysylltwch â ni ar 0800 111 676.
Gwnewch yn siŵr eich bod yn delio â chwmnïau awdurdodedig yn unig. Os ydych chi'n delio â chwmni anawdurdodedig, ni fyddwch yn cael eich gwarchod gan y Gwasanaeth Ombwdsmon Ariannol os ydych am gwyno. Ni fyddwch chwaith yn cael eich diogelu gan y Cynllun Iawndal Gwasanaethau Ariannol (FSCS) os yw'r cwmni yn mynd allan o fusnes. Mae hyn yn golygu ei bod yn annhebygol y byddech chi'n cael eich arian yn ôl.
Os gwnaethoch anfon arian at dwyllwr ar neu ar ôl 7 Hydref 2024, efallai y cewch eich gwarchod gan amddiffyniadau a gyflwynwyd gan y Rheoleiddiwr Systemau Talu (PSR). Dewch o hyd i beth i'w wneud os ydych chi wedi cael eich twyllo i wneud taliad i gyfrif sgam.
Chwilio'r Rhestr Rybuddion
Mae ein Rhestr Rhybuddion yn rhestru cwmnïau yr ydym yn pryderu eu bod yn gweithio heb ein caniatâd.
Rydym yn ychwanegu cwmnïau at y rhestr hon cyn gynted â phosibl. Ond os nad yw cwmni ar y rhestr, mae’n dal yn bosib iddo fod yn anawdurdodedig neu yn sgam. Mae cwmnïau anawdurdodedig yn aml yn newid eu henwau, ac efallai nad ydym yn ymwybodol ohono eto.
I ddefnyddio'r rhestr, gallwch:
- Chwilio am gwmni anawdurdodedig gan ddefnyddio'r bar chwilio.
- Hidlo canlyniadau yn ôl llythyren gyntaf enw’r cwmni.
- Cliciwch ar y golofn 'Name' i drefnu’r cwmnïau ar sail A i Z.
Os ydych chi'n delio â chwmni tramor, edrychwch ar y rhestr o rybuddion gan reoleiddwyr tramor.
Tanysgrifiwch i'r porth RSS am ddiweddariadau rheolaidd
Search results update instantly to match the search query and any filters applied.
Sut i amddiffyn eich hun
Byddwch yn wyliadwrus o sgamwyr sy'n esgus bod o gwmnïau awdurdodedig. Gallent fod yn gwmni clôn (fersiwn ffug o gwmni dilys). Os bydd busnes ariannol yn cysylltu â chi'n annisgwyl, gwnewch yn siŵr eich bod yn ateb gan ddefnyddio'r manylion cyswllt ar y Gwiriwr Cwmnïau.
Os ydych chi'n meddwl eich bod wedi cael eich targedu gan sgam, rhowch wybod i ni ar-lein. Rydym yn ymchwilio i bob adroddiad a dderbyniwn, ac fe allai helpu i amddiffyn eraill rhag twyllwyr.
