Os ydych chi'n meddwl bod twyllwr neu gwmni anawdurdodedig wedi cysylltu â chi, darganfyddwch pa sgamiau y gallwn edrych arnynt a sut i adrodd amdanynt.
Byddwch yn ofalus rhag sgamwyr sy'n esgus bod o'r FCA. Ni fyddwn byth yn gofyn i chi drosglwyddo arian i ni nac yn gofyn am eich rhif adnabod PIN nac unrhyw gyfrineiriau cyfrif banc. Darganfyddwch sut i adnabod cyfathrebu FCA ffug, y tactegau y mae sgamwyr yn eu defnyddio a dulliau cyswllt.
Gall unrhyw un fod yn darged i sgamiau. Weithiau, mae’n anodd dweud y gwahaniaeth rhwng twyll a chynnig dilys. Os oes rhywun yn cysylltu gyda chi ynglŷn â:
- buddsoddiad
- eich pensiwn
- benthyciad
- cynnyrch yswiriant a gwarant
- gwneud hawliad
Neu os ydych chi wedi sylwi ar fuddsoddiad amheus ar-lein, neu wasanaeth yr ydych chi wedi ei dalu amdano, rhowch wybod i ni.
Os ydych chi wedi rhoi unrhyw fanylion personol neu wedi gwneud taliad i’r sgamwyr, dywedwch wrth eich banc ar unwaith, gan ddefnyddio’r manylion cyswllt ar eich cerdyn neu ddatganiadau. Darganfyddwch fwy am sut i amddiffyn eich hun rhag sgamiau.
Sgamiau na allwn helpu gyda nhw
Dim ond sgamiau sy'n ymwneud â’r gwasanaethau ariannol rydyn ni'n eu rheoleiddio y gallwn edrych arnynt. Ni allwn helpu gyda:
- Sgamiau trwydded gyrru
- Sgamiau trwydded teledu
- Sgamiau CThEM a threth
- Sgamiau cystadleuaeth neu loteri
- Sgamiau masnachwyr eBay / Gumtree / Amazon (e.e, os nad ydych yn derbyn nwyddau gan y gwerthwr)
Os oes rhywun wedi cysylltu gyda chi am y sgamiau yma:
- Cysylltwch â Adrodd am Dwyll ar 0300 123 2040 neu drwy'r wefan. Os ydych chi'n byw yn yr Alban, dylech roi gwybod i Police Scotland drwy ffonio 101, neu gysylltu ag Advice Direct Scotland ar 0808 164 6000.
- Cysylltwch â'r sefydliad neu'r rheoleiddiwr perthnasol.
Os ydych chi'n cael e-bost, neges destun neu alwad ffôn amheus sy'n honni i fod yn CThEM, darganfyddwch sut i adrodd.
Sut i adrodd am sgam
Os ydych chi wedi colli arian o ganlyniad i sgam, cysylltwch â Report Fraud ac yna rhowch wybod amdano i ni.
Ni allwn eich helpu i gael eich arian yn ôl, ond rydym yn ymchwilio i bob adroddiad a dderbyniwn a gallai helpu i amddiffyn eraill.
Os ydych chi'n byw y tu allan i'r DU
Os ydych chi wedi'ch lleoli y tu allan i'r DU ac yn meddwl eich bod wedi cael eich twyllo, siaradwch â'ch heddlu lleol a'ch rheoleiddiwr gwladwriaeth gartref yn y lle cyntaf. Gallwch ddod o hyd i fanylion cyswllt trwy Sefydliad Rhyngwladol y Comisiynau Gwarantau. Ni allwn eich helpu i gael eich arian yn ôl ac ni fyddwn yn cysylltu â chi i ddweud wrthych fod gennym eich arian.
Os ydych chi'n cael eich targedu gan sgamwyr, rydych chi mewn mwy o berygl o gael eich targedu eto, o bosib gan sgamwyr ystafell adfer (recovery room scams) sy'n esgus bod yn gwmnïau cyfreithlon sy'n cynnig adennill eich arian coll.
Os ydych chi'n byw yn y DU
Yn y lle cyntaf, dylech roi gwybod am sgamiau i Adrodd ar Dwyll ar 0300 123 2040 neu drwy eu gwefan. Os ydych chi'n byw yn yr Alban, dylech roi gwybod i Police Scotland drwy ffonio 101, neu gysylltu ag Advice Direct Scotland ar 0808 164 6000.
Defnyddiwch yr Gwiriwr Cwmnïau FCA i ddarganfod a yw cwmni wedi'i awdurdodi ac os oes ganddo ganiatâd ar gyfer y gwasanaeth y mae'n ei gynnig i chi. Os na allwch ddod o hyd i gwmni ar y Gwiriwr Cwmnïau, cysylltwch â ni ar 0800 111 6768.
