RegData yw ein platfform ar gyfer casglu data rheoleiddiol gan gwmnïau. Darganfyddwch fwy am fewngofnodi, cofrestru a sut i ddefnyddio'r system.
My FCA yw eich porth newydd i gael mynediad at Connect, System Anfonebu Ar-lein a RegData
Mewngofnodwch unwaith i gael mynediad uniongyrchol at dasgau rheoleiddiol wedi’u trefnu, ac at anfonebau a dilysiadau eich cwmni yn My FCA.
Mae gan bob tasg ddyddiad cyflwyno a statws fel y gallwch weld beth sydd angen ei gwblhau a phryd.
Mae eich e-byst atgoffa ar gyfer tasgau wedi’u trefnu yn RegData nawr yn cynnwys dolen i fewngofnodi i My FCA.
Ar gyfer beth mae RegData yn cael ei ddefnyddio
Gallwch ddefnyddio'r system RegData i:
- gyflwyno data rheoleiddiol
- gweld amserlen o’ch gofynion adrodd wedi’i theilwra
- gweld eich holl gyflwyniadau mewn un lle
- argraffu eitemau data, y rhain yw’r ffurflenni unigol rydych chi’n eu llenwi
Os ydych chi’n ceisio cyflwyno ceisiadau neu hysbysiadau (er enghraifft, awdurdodiadau neu gofrestriadau newydd, amrywio caniatâd, diweddaru neu ddilysu manylion eich cwmni) bydd angen i chi ddefnyddio ein system Connect.
Sut i fewngofnodi
Mewngofnodwch i My FCA gan ddefnyddio’ch manylion RegData presennol i gael mynediad i’ch tasgau wedi’u trefnu.
Pryd y gallwch ddefnyddio My FCA i gael mynediad at RegData:
Dydd Llun i ddydd Gwener o 7am tan 10pm
Dydd Sadwrn a dydd Sul o 8am tan 5pm
Sut i gofrestru ar gyfer RegData
Ar ôl i’ch cwmni gael ei awdurdodi, gallwch gofrestru Prif Ddefnyddiwr yn RegData.
Yna bydd y Prif Ddefnyddiwr yn gallu sefydlu a rheoli defnyddwyr eraill.
Darganfyddwch fwy am sut i gofrestru, gan gynnwys fideo byr a chanllaw defnyddiwr i’ch tywys trwy'r camau dan sylw.
Canllawiau i ddefnyddio RegData
Gofynion technegol
I gael mynediad at RegData, rydym yn argymell bod gennych:
- Adobe Acrobat Reader 7.0 neu uwch (lawrlwythiad am ddim)
- Google Chrome
- ansawdd sgrin o 1280 x 1024 pixels
